الرئيس السيسي: الحـرب على الإرهـاب كلفتنا حوالي 120 مليار جنيه خلال 10 سنوات

أدى الرئيس عبد الفتاح السيسي، صباح اليوم، صلاة عيد الفطر المبارك بمسجد الفتاح العليم بالعاصمة الجديدة.

وصرح السفير محمد الشناوى، المتحدث الرسمي باِسم رئاسة الجمهورية بأنه كان في استقبال الرئيس عند وصوله لأداء شعائر صلاة العيد الدكتور مصطفى مدبولي رئيس مجلس الوزراء، والفريق أشرف سالم زاهر القائد العام للقوات المسلحة وزير الدفاع والإنتاج الحربي، والدكتور أسامة الأزهري وزير الأوقاف وعدد من السادة الوزراء، كما شهدت شعائر صلاة عيد الفطر المبارك حضورًا واسعًا من كافة قيادات الدولة.

وأشار المتحدث الرسمي إلى أن الرئيس قام عقب ذلك بتناول الإفطار مع الحضور؛ وألقى كلمة قال فيها:”
عايز أكلمكم عنكم… المصريين من الشباب والأسر والبراعم .. في ٢٠١٢ مصر كانت بتعيش أيام وأحوال صعبة … بكلمكم عنكم علشان أنتم بالنسبة لنا مهمين… وعلشان نأكد أن إحنا لا ننسى أبدا الجميل الكبير من الأسر التي قدمت شهداء ومصـ ابي مصر في الفترة الصعبة …

هقول الكلام كإنسان … وليس كمسئول عاش الفترة الصعبة دي … كانت فيه ناس كانت عايز تهد … اللي بيهد ما يعرفش يبني … واللي بيخـ رب ميعرفش يبني … فترة صعبة كل يوم أحداث وعمليات إرهـ ابية، حـ رب صعبة، استمرّت ١٠ سنوات ثمنها أولاد مصر… هم اللي خلونا قاعدين كده بفضل الله وبفضل تضحياتهم … كانت حـ رب ضروس … وكان الناس بتسأل هتنتهي ولا هنفضل على طول لأن النتائج السابقة بتقول الحـ رب على الإرهـ اب متنتهيش… أنتم على دماغنا … كل اللي قدم في الوقت الصعب ده شهيد أو مصـ اب … الثمن اللي أدفع هو اللي إحنا فيه دلوقتي … فترة طويلة … هم عايزين يحبطونا ويمـ وتوا الأمل … عايزين يقولوا مفيش بكره … هم قالوا وعملوا”.

وأضاف الرئيس السيسى:”أنا وزمايلي اللي موجودين في مصر في كل مؤسسات الدولة، في الجيش والشرطة والقضاء، كل في موقعه… كل كان بيقاوم علشان نعدي المرحلة الصعبة دي… كنت بلمس في بعض ردود الأفعال أن المرحلة مش هتخلص … بس كان عندي ثقة في الله أن ربنا هيعنا وهتعدي..

بقول لكل أب وأبنه وأم قدم أو قدمت شهيداً أو مصـ ابا أمشي في مصر … مش بس رافع رأسك … بل وأنت راضي عن نفسك وعن بلدك.. البلد اللي فيها ١٢٠ مليون بالضيوف عايشين في أمن وأمان بفضل الله وفضلكم .. وبسبب ما قدمه الشهداء والمصابون… إحنا مش ناسيين إن المقابل كان كبير … آلاف من الشهداء وعشرات الآلاف من المصـ ابين … منهم من فقد جزء من جسمه يعاني منها وأسرهم … وهذا ليس مجرد جرح سيلتئم… هذا هو الثمن الذي شرفتونا وقدمتموه علشان كلنا في مصر نعيش كده … علشان نعيش ونبني ونعمر.

كان عندي ثقة أن إحنا هننجح، رغم أنها معركة طويلة قد تهد بلاد وتخـ ربها… ده اختبار من الله سبحانه وتعالى لينا ولأسرنا اللي بيقدموا أبنائهم وآبائهم وأزواجهم ميعرفوش عنهم غير أن هم استشهدوا”.

وأضاف الرئيس السيسى:”في ٢٠٢٢ قلت تجاوزنا المرحلة دي وبفضل الله قولت إن الإرهـ اب خلص … قلت إننا محتفلناش بما يليق بالحـ رب دي … دي حـ رب قاسية جدا … مش معنى أننا لم نوقف البلد .. كان عندنا اختيارين؛ الأول؛ أن إحنا في حـ رب ونعمل دولة حـ رب ونعمل سياسات واقتصاد حـ رب ونوقف الدنيا لغاية لما نخلص وبعدها نعمل تنمية … وعلشان إنفاق الحـ رب كتير مقولتش الحـ رب دي كلفتنا كام… كل شهيد ومصـ اب لا يقدر بثمن كان كل يوم أكثر من ٣٠ إلى ٤٠ مليون جنيه في اليوم من ٢٠١٢ حتى ٢٠٢٢ حوالي ١٢٠ مليار جنيه …الخيار نركز في الحـ رب ونأجل ونعمل تنمية بعدين… قلنا هنمشي في الطريقين … طريق الحـ رب على وطريق تحقيق التنمية..والله والله ما يفعلوه لا يمت للإسلام بصلة ولا يرضي الله… عمر القتـ ل والتخـ ريب والتدميـ ر ما يرضي ربنا أبدا … وبفكر شبابنا الصغيرين أننا لم نبدأ بذلك حاولنا لا نوصل لمرحلة اقتتـ ال ولم نبدأ بالاعتـ داء ولا الهدم .. هم فكروا أنهم هيهدوا الدولة ويموتـ وها …كنت متأكد أن ذلك سينتهي بفضل الله لأننا لم نكن أبدا متآمرين … والمطلع على قلوب العباد وتصرفاتها هو الله … لم نتآمر كنا نريد أن نحافظ على بلادنا …