كشفت الفنانة الكبيرة إلهام شاهين عن تفاصيل دورها في مسلسل “سيد الناس”، والذي تخوض به السباق الدرامي في رمضان 2025.
وأكدت في تصريحات خاصة، أن الشخصية التي تقدمها تعد من أصعب وأقسى الأدوار التي جسدتها على مدار مسيرتها الفنية، قائلة:”دوري في المسلسل اعتماد الهواري هي شخصيه شعبيه وشريرة جدا وطبعها صعب التعامل مع اللي حواليها ومرات أب سيئة جدا وشخصية اعتماد الهواري شريرة مختلفة خالص يعني طريقة الأداء والأسلوب ومفردات الكلام اللي مكتوبة ليها جديدة هي شخصيةهتتكره لأنها منعدمة الانسانية”.
وأضافت:”الناس هتستغرب لان انا اخر عمل قدمته السنة اللي فاتت في مسلسل الفريدو شخصية سوسو مريضة الزهايمر اخدت تعاطف رهيب من الناس لحد دلوقتي الناس بتشوفها بيتفاعلوا معاها بالدموع يبقي غريب اوي يحصل تعاطف كبير مع اخر شخصية قدمتها وبعدين اقدم شخصية تتكره اوي يبقي العكس يعني مش تاخد اي نوع من التعاطف ده نوع من التنوع في الأداء والشكل وده بالنسبالي تحدي”.
وأعربت عن سعادتها بتفاعل الجمهور علي برومو المسلسل قائلة:”تفاعل الجمهور مع البرومو كبير جدا التعليقات كتير اوي اوي يعني حصل اهتمام خاص بالبرومو يعني اول يوم حقق٢٧ مليون مشاهده عدد رهيب اول مره يحصل حاجه زاي كده واضح أن الناس بتستني اعمال محمد سامي”.
