تصدر الإعلامي شريف مدكور محركات البحث ومواقع التواصل الاجتماعي خلال الساعات الماضية، عقب تصريحاته بشأن إنكار عذاب القبر.
كتب عبر حسابه الشخصي “فيسبوك”:”أنا اتكلم في الدين براحتي واقول اللي أنا عاوزه مادام مش باكفر حد والحاجة الوحيدة اللي مش من حق مخلوق يقول لي متتكلمش فيها هي ديني”.
وتابع: “علي الاقل أنا بابحث وباجتهد علشان أزود إيماني ويقيني أنا مش خروف هامشي ورا كلام حد وكل واحد يلم نفسه على الأقل أنا مش باتاجر ولاباعمل سبوبة من ديني وربنا عارف نيتي وهو اللي بيحاسب في الآخر”.
وأضاف: ” ورجاء محدش يدخل على الخاص ويكتب لي أن الدين ده دراسة وعلم خلي كل واحد في نفسه ارجوكم والناس اللي عماله تضحك على الكلام وحاطه دي، انتم عيال قوي علشان مفيش في الكلام حاجه تضحك”.
أحدث الإعلامي شريف مدكور ضجة واسعة خلال الساعات الماضية بعد تصريحاته حول عذاب القبر، حيث استند إلى آية قرآنية قدّم من خلالها تفسيرا ينفي وجود العذاب في القبر، ما جعله عرضة لانتقادات حادة من الجمهور.
وقال مدكور: “قال تعالى: (كل نفس ذائقة الموت وإنّما توفّون أجوركم يوم القيامة)، وهذا يدل بوضوح على أن الجزاء يكون يوم القيامة، وليس في القبر، حيث لم تذكر الآية أن الأجور تُوفى في القبر أو أن هناك معرفة بالمقام خلال هذه المرحلة، مما يؤكد لمن يتدبر القرآن أنه لا يوجد أي شيء في القبر.”
