أعربت الناقدة الفنية ماجدة خير الله عن استيائها من تصرفات الفنانة شيرين عبد الوهاب الأخيرة، والتي أثارت جدلا واسعا بعد حفلها في مهرجان موازين، مشيرة إلى أن ما تمر به المطربة ليس وليد اللحظة بل نتيجة سنوات من التخبط والدعم غير الواعي من المقربين والجمهور.
وكتبت خير الله عبر صفحتها الرسمية على موقع “فيسبوك”:
“الحكمة بتقول: عدو عاقل خير من صديق جاهل.. واللي وصلت له شيرين أعتقد سببه الطبطبة والنفاق اللي حواليها، الناس اللي دايمًا تقولها إنتي كويسة وطظ في اللي يزعلك، دول مش بيحبوها فعلًا ولا عاوزين مصلحتها.”
وأضافت:
“بقينا بنتكلم عن حالة فنية غير مستقرة بقالها 6 سنين، لأسباب غير مبررة! الجمهور اللي بيدفع فلوس عشان يسمع صوتها ويتابع حفلاتها مش من حقه يتفاجأ بظهور غير لائق أو زلات لسان مستفزة؟!”
وضربت الناقدة أمثلة لفنانين واجهوا أزمات أكبر دون أن يخذلوا جمهورهم، وقالت:
“شيريهان، مثلًا، نجت من حادث خطير وأجرت عمليات صعبة، لكنها رجعت للوقوف على المسرح بقوة، وقدمت أعمالًا نافست بها كبار النجوم في عزّ مجدهم، وده لأنها بتحترم نفسها وفنها.”
وتابعت:
“وقبلها كان عبد الحليم حافظ بيعاني من مرض عضال، ورغم كده كان بيقدّم حفلات لايف بكل تألق، ورا الجمهور كان بيأخد حقنة في الكواليس عشان يقدر يكمل الحفلة، ده فرق الفنان اللي بيحترم جمهوره.”
واختتمت ماجدة خير الله حديثها برسالة مباشرة لشيرين:
“لو عندك صديق مخلص فعلاً، لازم يقولك إن الصبر له حدود، وإن الجمهور اللي صنع نجوميتك له حق عليك، ومينفعش تطلعي على المسرح غير وانتي في أفضل حالاتك الفنية والذهنية.”
