قال البرتغالي يانيك فيريرا مدرب نادي الزمالك..لن تشاهدون سيف الجزيري معي وستعلمون السبب فيما بعد
وأضاف فيريرا بأن أحمد حمدي محتاج يشتغل بشكل أكبر عشان يبقى موجود مع الفريق وليه بتسألوا عن حمدي بس .. في لاعيبة تانية بتبذل أقصى ما عندها مش عارف سبب السؤال عن أفراد اتمنى الكلام يبقى عن الفريق بشكل كامل
وقال مدرب نادي الزمالك كنا عارفين أننا هنلعب ضد خصم هيلعب بـ10 لاعيبن داخل المنطقة، وكنا عارفين هنعمل إيه وإزاي نستغل التلت الأخير.
في الشوط الأول لم يكن فيه انهاء جيد للهجمات، ولم يكن في عدد كافي داخل المنطقة، ومع هذا سيطرتنا في الشوط الأول لم تترجم لأهداف.
وأشار البرتغالي إلي اننا محتاجين نشتغل على انهاء الهجمة في الشوط التاني سجلنا هدف بدري، وده أفضل سيناريو لنا لأن الخصم ميضيعش وقت كتير في الشوط الأول ضيعوا 50 دقيقة ومحدش اتكلم خالص.
وقال يانيك بنحترم خطة أي مدرب في العالم سواء هجوم أو دفاع، لكن محاولة قتل الماتش بيقلل متعة كرة القدم رسالتي للصحفيين انهم يتكلموا عن هذه النقطة، لإن مش دي الصورة اللي المفروض مصر توريها للعالم عن كرة القدم إحنا عندنا مسؤولية في الملعب نقدم أفضل ما عندنا، والحكام عليهم مسؤولية إنهم يتركوا الفرق تقتل متعة كرة القدم.
وأضاف بعد ما سجلنا الهدف واصلنا سيطرتنا، وسعيد جدا، وكنت هبقى أسعد لو الاسكور زاد فور مستحق، لكن لسه عايزين نحط رجلنا على الأرض.
أما بخصوص عدي الدباغ؟ هو بدنيا جاهز وعشان كده بيلعب
لا نهتم بنتايج الفرق التانية، وإحنا عندنا دوافعنا لفريقنا بعيد عن أي حاجة تانية
إحنا دايما بنقول الفريق كله بيدافع مع بعض استقبلنا هدف واحد بس، وأكيد بنشكر الحارس والدفاع، لكن كمان عايز أشكر لاعبي الوسط والمهاجمين على شغلهم.
خدنا قرار نريح محمود بنتايك لإنه لعب 3 ماتشات 90 دقيقة تركيزنا في التشكيل على تدوير اللاعيبن وطريقة اللعب والمنافس.
