في رد شديد اللهجة، عبر الإعلامي شريف مدكور عن استيائه الكبير من سيدة روجت لشائعة وفاته بعد تعرضه لوعكة صحية، مشيرًا إلى أنه سيتخذ الإجراءات القانونية ضدها بسبب نشرها لهذا الخبر الكاذب.
وقال شريف مدكور في فيديو نشره عبر حسابه على موقع “فيسبوك”: “فيه سيدة عاملة فيديو بتقول فيه أني توفاني الله بعد وعكة صحية، أنا عرفت ده لما كلمت أمي ولقيتها مذعورة ومخضوضة عليا، تخيلوا أم شايفة خبر وفاة ابنها.”
وأضاف مدكور موجهًا حديثه مباشرة للسيدة مروجة الشائعة: “أنا عايز أعرف أنتي ملكِ إيه؟ للأسف أنا شخصية مؤدبة مش هعرف أشتمك ولا أهينك.. هتتسجني وبنتك هتتشرد وهتبوسي إيدي ورجلي وتتذللي علشان أتنازل، أنتي عندك بنت هتربيها إزاي؟ اللي عملتيه ده ممكن يرميكي في السجن.”
كما اختتم شريف مدكور رسالته قائلًا: “أنتي مبتعرفيش تتكلمي، وصوتك يقرف وطريقتك تقرف وأنتي كائن مقرف، وأنا عمري ما وصفت حد بكده بس أنتِ مقرفة وأتمنى تسمعي الوصف اللي بوصفه ليكي، وأنا لو فاضي ليكي وعندي وقت هاجي أجيبك من قفاكي واسجنك.”
