الرئيس السيسي: العاصمة الجديدة والقيادة الاستراتيجية لحماية الدولة من الأشرار

أكد الرئيس عبد الفتاح السيسي، أن القيادة الاستراتيجية ومؤسسات الدولة في العاصمة الجديدة من أجل الحفاظ عليها من الأشرار مثلما حدث قبل ذلك بعد أحداث عام 2011، متابعا: “ليه القيادة الاستراتيجية موجودة.. لأنه المحكمة الدستورية كانت في يوم محاصرة.. وكمان مجلس الوزراء كان محاصر.. وفي تهديد لوزارة الدفاع.. وكانوا بيحاصروا مدينة الإنتاج الإعلامي”.

وأضاف الرئيس السيسي، خلال كلمته في افتتاح القيادة الاستراتيجية للدولة المصرية بالعاصمة الجديدة: “هذه القيادة الاستراتيجية تهدف إلى إدارة الأزمة أي كانت الأزمة.. لما تدار تحت ضغط كبير اوي وخوف وبالتالي القرارات اللى بتتاخد ممكن تؤدي أحيانا إلى ضرر وخــ.راب كبير”.

وتابع الرئيس السيسي: “لابد من خروج الدولة من العاصمة.. خروج الدولة علشان الكلام ده مش يتكرر تاني.. الأشرار والإرهــ….ابيين مش هيبطلوا.. وربنا يساعدنا ولازم ناخد بالأسباب.. البرلمان ومؤسسات الدولة زي ما كان محدش يقدر يعمل كده في مصر تاني.. هيفكروا في حاجات تانية للإضرار بمصر.. وده يحتاج مننا كلنا نتعامل مع بلدنا بإخلاص وربنا دائما قدمنا علشان يساعدنا ويجبر خواطرنا ويساعدنا في الظروف الصعبة.. علشان يمكن في بداية الفكرة لما اتكلمنا عن العاصمة الجديدة ومقر القيادة.. مكان جديدة موجود فيه كل أجهزة الدولة بالشكل ده مع مفردات كتير للجمهورية الجديدة.. وربنا ساعدنا بالفكرة وتنفيذها”.